Bakı. 7 dekabr. REPORT.AZ/ İranda güclü qar yağması səbəbindən bəzi əyalətlərdə məktəblər bir günlük bağlanıb.
"Report" xəbər verir ki, bu haqda İran KİV-i məlumat yayıb.
Məlumata görə, Şərqi Azərbaycan (mərkəzi Təbriz), Qərbi Azərbaycan ( Urmiya şəhəri) Ərdəbil, Zəncan, Həmədan əyalətləri və Tehrana güclü qar yağıb. Həmin ərazilərdə hava şaxtalıdır. Kənd yolları bağlanıb.
Xəbərdə bildirilib ki, dekabrın 8-də temperaturun artacağı gözlənilir.