Bakı, 7 dekabr, AZƏRTAC
Dekabrın 8-də saat 10-dan 18-dək Azərbaycan Respublikası Dövlət Neft Şirkətinin (SOCAR) “Qaz İxrac” idarəsinin Abşeron magistral qaz kəmərləri sahəsinin “Yeni Suraxanı”, “Yeni Zabrat” (Xalçaçılıq) və “Ramanı” qazpaylama stansiyalarında, eləcə də bəzi ölçü qovşaqlarında cari təmir işləri aparılacaq. Təmir işləri aparılan müddətdə Ramanı, Yeni Suraxanı və Zabrat-1 qəsəbələrinin bir hissəsinin təbii qaz təchizatında məhdudiyyətlər olacaq.
Bu barədə AZƏRTAC-a SOCAR-ın mətbuat xidmətindən məlumat verilib.