“Eurovision-2014” təmsilçimiz Dilarə Kazımova bugünkü təqdimat mərasimini təxirə salıb.
Axşam.az-ın məlumatına görə, ifaçı “Matəm günü” ilə əlaqədar belə bir addım atıb. O, bu haqda sosial şəbəkədə yazıb:
“Biz təqdimat mərasimini təxirə saldıq. “Günəşli” yatağında baş vermiş faciədə həyatını itirən həmvətənlərimizin ailələrinə Allahdan səbr diləyirik”.
Qeyd edək ki, Dilarə Kazımova yaradıcılığındakı yeniliklərlə əlaqədar təqdimat keçirməyi planlaşdırmışdı.
