Milli komandamızın lideri, Radik İsayev Braziliyanın Rio-de-Janeyro şəhərində keçiriləcək Yay Olimpiya Oyunlarına lisenziya qazanıb.
ANS PRESS-in məlumatına görə, kişilərdən ibarət yığma komandanın üzvü, Dünya və Avropa çempionatının, eləcə də 1-ci Avropa Oyunlarının qızıl mükafatçısı Radik İsayev (+80 kq) lisenziyanı, Qran-pri turnirində yığdığı reytinq xalı sayəsində təmin edib.
Meksikanın paytaxtı Mexikoda yekunlaşan taekvondo üzrə Qran-pri turnirinin final mərhələsində mübarizə aparan idmançımız 1/4 finalda məğlub olsa da, ümumi sıralamada üçüncü pillədə qərarlaşıb. Bununla da təmsilçimizin “Rio-2016”da iştirakını təmin edib.Mexikodakı turnirdə hər çəki dərəcəsində 8 ən güclü idmançı iştirak edib. Bu, taekvondo idman növü üzrə “Rio-2016”ya ölkəmizin ilk lisenziyasıdır. Xatırladaq ki, Radik İsayev dekabrın 8-9-da taekvondo üzrə dünya kubokuna da qatılacaq.
Radik İsayev - taekvondoçu
