Rusiyanın Cənubi-Saxalin əyalətində bir qrup narkotik alverçiləri saxlanılıb.
ANS PRESS-in məlumatına görə, saxlanılan qrupun üzvləri Azərbaycan vətəndaşlarıdır. Onlar Cənubi-Saxalinə həşiş gətirmək və satışını təşkil etməkdə şübhəli bilinirlər.
Aparılmış operativ-axtarış tədbirləri nəticəsində Cənubi-Saxalində olan bir nəfər və onun şəriki saxlanılıb. Onların yaşadığı evdən 30 qram, bir qədər aralıda - meşə massivində gizli yerdə yerləşdirilmiş bağlamalarda 800 qram həşiş aşkar olunaraq, hüquq-mühafizə orqanları tərəfindən götürülüb.
Qrupun üzvləri barəsində cinayət işi açılıb. Onlardan ikisi artıq həbs olunub, digərlərinin axtarışı davam etdirilir. Saxalin hüquq-mühafizə orqanlarının məlumatına görə, onları 20 ilədək həbs gözləyir.
Cənubi-Saxalin, Rusiya.