Nardarandan yeni xəbər var

Nardarandan yeni xəbər var
11:43 8 Dekabr 2015
41 Sosial
Ölkə mətbuatı
A- A+

Bakı. Elçin Mehdiyev – Trend:

Nardaran qəsəbəsində yeni qaz sayğaclarının quraşdırılması işləri davam etdirilir. Bunu Trend-ə “Azəriqaz” İstehsalat Birliyinin İctimaiyyətlə əlaqələr şöbəsinin rəisi İbrahim Kərbalayev deyib.

İ.Kərbalayev bildirib ki, indiyə qədər 300-dən artıq mənzildə yeni sayğaclar quraşdırılıb: “Orada 2 minə yaxın abonent var. İşlər məhəllə-məhəllə davam etdirilir. Həm mənzillərə texniki baxışlar keçirilir, həm təbii qazdan qeyri-qanuni istifadə hallar aşkarlanan mənzillərdə təmizləmə işləri aparılır, abonentlərlə yenidən müqavilələr imzalanır. Bu işlər yekunlaşandan sonra təbii qazın verilişi təmin ediləcək”.

İ.Kərbalayev vurğulayıb ki, qəsəbədə qaza görə yaranmış debitor borcu da ödənilməlidir.

Nardaran qəsəbəsində telefon rabitəsinin bərpa edilməsi ilə bağlı isə Bakı Telefon Rabitəsi İstehsalat Birliyindən Trend-ə bildirilib ki, telefon rabitəsinin dayanması elektrik enerjisinin kəsilməsi ilə bağlıdır. Qəsəbəyə elektrik enerjisi verildikdən sonra telefon rabitəsi də bərpa olunacaq.

Hazırda qəsəbənin giriş-çıxışında yenə də ciddi nəzarət davam edir.

Bizi Twitter-dən izləyin: @trend_az


Xəbərin orijinal ünvanı: http://az.trend.az/azerbaijan/society/2466672.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR