Türkiyənin populyar müğənnilərindən olan Hadisə İstanbuldakı "Beylikdüzü Migros AVM"də fanatları ilə görüşüb, jurnalistlərin suallarını cavablayıb.
Milli.Az AHT-yə istinadən bildirir ki, "O Ses Türkiye"də münsiflər heyətinin üzvü olan Hadisə həmkarı Murat Bozla arasında eşq yaşandığı barədə iddiaları yalanlayıb.
"Murat mənim canımdır, onu çox sevirəm. Sadəcə o yox, Ebru, Gökhan və Hakanla da "O Ses Türkiye"də möhtəşəm enerjimiz, təmaslarımız var. Bir-birinə sayğı duyan, bir araya gələndə eqolarımızı kənara qoyan insanlarıq", - Hadisə deyib.
Daha sonra müğənni anasından danışıb.
"Anam mənə həmişə dəstək olub. Lakin səhnəyə çıxanda anamın qarşısında mahnı oxuya bilmirəm", - müğənni söyləyib.
Milli.Az 
