Fələstin polisi İordan çayının qərb sahilində, Hevron şəhərinin yaxınlığında 25 il ərzində qoyun ağılında dirəyə zəncirlənmiş kişini aşkarlayıb.
Milli.Az Məan-a istinadən bildirir ki, 35 yaşlı, əqli cəhətdən kasad bu zavallı ilə həddən artıq qəddarcasına rəftar olunub.
Kənddəki evin yanından keçən polis zabiti qoyun ağılında zəncirlənmiş adamı görüb.
Araşdırma zamanı bəlli olub ki, bu zavallı 10 yaşı olanda ağıla salınaraq zəncirlənibmiş. O, qoyunlar, toyuqlarla birlikdə qidalanırmış.
Bu adamı ağılda dirəyə zəncirləmiş şəxs tutulub. O, azad olunmuş zavallının böyük qardaşıdır.
Milli.Az
