Mayk adlı uzunqulağın fotoları sosial şəbəkələrdə yayılandan sonra o, internetin yeni ulduzuna çevrilib.
Daşqında batmaqdan xilas edilmiş ulağın fotolarını "Animal Heaven Animal Rescue" (AHAR) təşkilatı Facebook-dakı səhifəsində paylaşmışdı.
Milli.Az Daily Mail-ə istinadən bildirir ki, İrlandiyanın cənubundakı Killorqlin qəsəbəsi də "Desmond" qasırğasının vurduğu bölgələr arasındadır. Leysan yağışları Kerri bölgəsindəki Killorqlin çayının daşmasına səbəb olmuşdu.
Mayk da çayın ortasında qalmışdı.
Eşşəyin sahibi AHAR-a yardım üçün müraciət edib, AHAR mənsubları da xilasetmə əməliyyatı keçiriblər. Qayıqla ulağa yaxınlaşan AHAR üzvləri heyvanın boynuna xilasedici həlqə atıblar və ulağı sahilə çıxarıblar.
Mayk Da AHAR-ın rəhbəri Syuzan Gibbonsla birlikdə foto çəkiləndə gülümsəyib.
Milli.Az
