Duanın yerinə yetməsinə mane olan 10 AMİL

Duanın yerinə yetməsinə mane olan 10 AMİL
23:17 8 Dekabr 2015
177 Digər
Ölkə mətbuatı
A- A+

Bir gün İbrahim Ədhəm Bəsrə bazarından keçirdi və insanlar onu əhatəyə alıb dedilər: "İbrahim! Allah Quranda buyurmuşdur:"Məni çağırın ki, Mən də duanızı qəbul edim". ("Ğafir" 60). Biz Allahı çağırırıq, ancaq dualarımız yerinə yetmir".

Milli.Az deyerler.org-a istinadən bildirir ki, İbrahim dedi: "Səbəbi budur ki, ürəkləriniz 10 şeyə görə ölmüşdür. Dualarınızın səfası yoxdur və ürəkləriniz pak deyildir".
Soruşurlar ki, bu 10 şey nədir?
Deyir:
1. Allahı tanımısınız, ancaq haqqını əda etməmisiniz.
2. Quranı oxuyursunuz, ancaq ona əməl etmirsiniz.
3. Peyğəmbəri (s) sevdiyinizi iddia edirsiniz, ancaq övladı ilə düşmənçilik etmisiniz.
4. İddia edirsiniz ki, şeytanla (lən) düşmənsiniz, ancaq əməldə onunla razılaşırsınız.
5. Deyirsiniz ki, behiştə əlaqəniz vardır, ancaq behiştə girmək üçün bir iş görmürsünüz.
6. Deyirsiniz ki, cəhənnəm atəşindən qorxursunuz, ancaq bədənlərinizi ona atırsınız.
7. İnsanların eyblərini tutmaqla məşğulsunuz, öz eybinizdən qafil olmusunuz.
8. Deyirsiniz ki, dünyanı sevmirsiniz, ancaq hərisliklə (mal) toplayırsınız.
9. Ölüləri dəfn etmisiniz, ancaq onlardan ibrət götürməmisiniz.
10. Ölümü etiraf edirsiniz, ancaq özünüzü onun üçün hazır etmirsiniz.
Bu 10 amil dualarınızın qəbul olmasına mane olur". 
Milli.Az
 

RƏYLƏR

BU KATEQORİYADAN DİGƏR XƏBƏRLƏR