Bakı. 9 dekabr. REPORT.AZ/ Bakıda Böyük Britaniya vətəndaşı ölüb. “Report”un xəbərinə görə, hadisə paytaxtdakı özəl xəstəxanalardan birində baş verib.
Belə ki, 1967-ci il təvəllüdlü Robert Makkeni “Təcili yardım” maşını ilə xəstəxanaya aparılıb. Orada ona infarkt diaqnozu qoyulub. Həkimlərin səylərinə baxmayaraq, R.Makkeninin həyatını xilas etmək mümkün olmayıb.
Faktla bağlı araşdırma aparılır.
Qeyd edək ki, R.Makkeni Bakıdakı xarici şirkətlərdən birində çalışıb.
