Onlardan ikisi bacıdır
Polis əməkdaşları oğurluq etdiyinə görə axtarışda olan qadınları yaxalayıb. Lent.az Daxili İşlər Nazirliyinə istinadən xəbər verir ki, Ağdam RPŞ əməkdaşlarının həyata keçirdikləri əməliyyat-axtarış tədbirləri nəticəsində sentyabrın 1-də Şölə Atakişiyevanın evindən 800 manat və qızıl əşyalar oğurlamış Yevlax şəhər sakinləri, əvvəllər məhkum olunmuş Zöhrə Bəkirova və Rahilə Nadirova tutulublar.
Bundan başqa Yevlax RPŞ əməkdaşlarının həyata keçirdikləri əməliyyat-axtarış tədbirləri nəticəsində avqustun 29-da Aqilə Əliyevanın evindən qızıl və gümüş əşyalar oğurlamış şəhər sakinləri Zarina Kərimova və bacısı Pərvanə Nadirova yaxalanıb.
Saxlanılan şəxslər ətrafında araşdırmalar aparılır.