Budapeşt, 9 dekabr, AZƏRTAC
Dekabrın 11-də Budapeştdə Azərbaycan xalqının ümummilli lideri Heydər Əliyevin xatirəsinə həsr olunmuş konsert keçiriləcək.
Konsertdə Macarıstanın “Dunay” simfonik orkestri Xalq Artisti, professor Yalçın Adıgözəlovun dirijorluğu ilə Azərbaycan və dünya bəstəkarlarının – Ü.Hacıbəylinin, F.Əmirovun, D.Şostakoviçin, R.Şumanın, F.Çileanın əsərlərini ifa edəcək. Vokal partiyalar isə gənc azərbaycanlı müğənni, Milandakı La Skala opera teatrının solisti Azər Paşazadənin ifasında səslənəcək.
Pərvanə Qarayeva
AZƏRTAC-ın xüsusi müxbiri
Budapeşt
