Gənc ifaçı Leyla Ramazanlı yeni fotosessiyası ilə gündəmə gəlib. İfaçı yeni fotosessiyasını xarici ölkələrin birində reallaşdırıb.
Müxtəlif geyimlərdə kamera qarşısına keçən Leyla Ramazanlı geyimlərinin üzərində bacısı Xavərin işlədiyini deyib. Sənətinin daima yenilik tələb etdiyini vurğulayan müğənni getdiyi ölkənin adını sirr saxlamağı üstün tutur. O, həmçinin də yaxın zamanlarda tamaşaçılarını sevindirəcəyini də bildirib.
Müğənni yeni mahnı üzərində çalışır. "Azərbaycan" adlanan mahnının sözləri Arzu Əsədovaya, musiqisi isə İsmayıl Əsədova məxsusdur. Mahnı üzərində son hazırlıqların getdiyini deyən Leyla Ramazanlı Milli.Az-a açıqlamasında bu mahnının vətənimizə həsr olunduğunu bildirdi. O hesab edir ki, hər bir ifaçının repertuarında onun doğulub, boya-başa çatdığı vətəninə həsr olunmuş bir mahnı olmalıdır: "Artıq yeni mahnımızın üzərində son hazırlıqlar gedir. Allahın köməyi ilə yeni mahnımı yeni ildə tamaşaçılara təqdim etməyi düşünürəm".
Milli.Az 
