Tovuzda yol-nəqliyyat hadisəsi baş verib. "VAZ 21-011" markalı avtomobil idarəetməni itirərək yol kənarındakı divara çırpılıb.
Milli.Az TTV-yə (Region TV) istinadən xəbər verir ki, hadisə nəticəsində sürücü və avtomobildə olan iki nəfər xəsarət alıb. Onlardan birinin vəziyyəti ağır olduğu üçün Tovuz Mərkəzi Rayon Xəstəxanasına yerləşdirilib.
Sürücü və digər sərnişinə yerində tibbi yardım göstərilib. Qəzanın dəqiq səbəbləri məlum olmasa da, hadisə şahidlərinin dediyinə görə, sürücü sərxoş vəziyyətdə sükan arxasında olub.
Faktla bağlı araşdırma aparılır.
Milli.Az
