Bakı. Trend:
Xəbər verdiyimiz kimi, Azərbaycanın bir qrup qeyri-idman yazarı olan jurnalisti sabah Avropa Liqasının qrup mərhələsinin sonuncu turunda Belçikada baş tutacaq “Anderlext” – “Qarabağ” oyununda iştirak etmək üçün bu ölkəyə yollanıb.
Trend-in Brüsselə ezam olunmuş əməkdaşının məlumatına görə, jurnalistlər futbolçuların məşqini izləyib, texniki heyətlə, eləcə də klubun icraçı-direktoru Emrah Çelikellə görüşüb söhbət ediblər.
Onlar futbolçuların yüksək əhval-ruhiyyədə olduğunu müşahidə ediblər.
Qeyd edək ki, qeyri-idman yazarı olan jurnalistlərin Belçikaya səfərini Azersun Holding təşkil edib.
Bizi Twitter-dən izləyin: @trend_az
