ABŞ Dövlət Departamenti: "Gərginliyin azaldılmasını istəyirik"

ABŞ Dövlət Departamenti: "Gərginliyin azaldılmasını istəyirik"
09:42 10 Dekabr 2015
23 Ölkə
Ölkə mətbuatı
A- A+

Bakı. 10 dekabr. REPORT.AZ/ "ABŞ Türkiyə-Rusiya münasibətlərində gərginliyin azaldılmasında və Dağlıq Qarabağ münaqişəsinin genişlənməsinin qarşısını almaqda maraqlıdır".
"Report" xəbər verir ki, bunu ABŞ Dövlət Departamentinin rəsmi namayəndəsi Con Kirbi deyib.
C.Kirbi keçirdiyi brifinqdə Türkiyə-Rusiya münasibətlərində yaranmış gərginlik və bunun Dağlıq Qarabağ münaqişəsinə mümkün təsirini şərh edib:
"Biz mənbəsindən asılı olmayaraq, gərginliyin çoxalmasından narahatıq. Aydın məsələdir ki, hər iki halda gərginliyin azalmasını və "soyuq baş"la düşünmənin başlamasını istəyirik. Dediyim kimi, bizi, əlbəttə ki, bu zorakılıq narahat edir və hadisələri yaxından izləyirik. Türkiyə və Rusiya arasında münasibətlər, xüsusilə bir neçə həftə əvvəl təyyarənin vurulmasından sonra, olduqca gərgindir. Biz gərginliyin azaldılmasını istəyirik".

Xəbərin orijinal ünvanı: http://report.az/dagliq-qarabag/abs-dovlet-departamenti-gerginliyin-azaldilmasini-isteyirik

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR