Cakarta, 10 dekabr, AZƏRTAC
İndoneziyanın şərqində 6,9 bal gücündə zəlzələ baş verib. Bu barədə Alamaniya Yerin Tədqiqi Mərkəzi məlumat yayıb.
Yeraltı təkanların episentrinin Ambon şəhərindən 161 kilometr şərqdə, ocağının isə 60 kilometr dərinlikdə yerləşdiyi bildirilir.
Dağıntılar və zərərçəkənlər barədə məlumat verilmir. Sunami təhlükəsi elan olunmayıb.
Vüqar Ağayev
AZƏRTAC-ın xüsusi müxbiri
Cakarta