Bakı, 10 dekabr, AZƏRTAC
Azərbaycan Milli Elmlər Akademiyası İdarəetmə Sistemləri İnstitutunun intellektual sistemlər laboratoriyasının rəhbəri, riyaziyyat üzrə fəlsəfə doktoru Gülçin Abdullayeva “Avropa Nəşr Mətbuat Evi” mükafat komissiyasının qərarına əsasən “Ən yaxşı vətənpərvər tədqiqatçı alim” qızıl medalı ilə təltif olunub.
İnstitutdan AZƏRTAC-a bildiriblər ki, G.Abdullayeva bu mükafata milli mənəvi dəyərlərimizin qorunmasında, istedadlı gənc alimlərin hazırlanmasında səmərəli fəaliyyətinə, diaqnostika, monitorinq, intellektual informasiya sistemlərinin işlənməsi, xalq təsərrüfatının müxtəlif sahələrindəki uğurlu tədqiqatlarına və geologiya tarixində göstərdiyi əvəzsiz xidmətlərə görə layiq görülüb.