"Mançester Yunayted"in direktorlar şurası UEFA Avropa Liqasının pley-off mərhələsinin ilk turu üçün nəzərdə tutulmuş biletlərin qiymətini 25% azaltmaq qərarına gəlib.
Metbuat.az "Squawka"ya istinadən xəbər verir ki, rəhbərlik, nüfuzuna görə Avropanın ikinci dərəcəli turnirinə marağın az olacağından ehtiyatlanaraq bu addıma əl atıb. Qeyd edək ki, pley-off mərhələsinin ilk turunun oyunlarını mövsümi abunələrin hamısı izləyə biləcəklər.
Xatırladaq ki, "Mançester Yunayted" qrup mərhələsinin sonuncu turunda "Volfsburq"a uduzaraq Çempionlar Liqası ilə vidalaşmışdı.
UEFA Avropa Liqasında pley-off mərhələsinin ilk turunun oyunları 18 və 25 fevral tarixlərində keçiriləcək.