Azərbaycanda dövlət torpaqlarına vərəsəlik hüququnun müddəti azaldılır

Azərbaycanda dövlət torpaqlarına vərəsəlik hüququnun müddəti azaldılır
16:43 10 Dekabr 2015
45 Sosial
Ölkə mətbuatı
A- A+

Bakı. Elçin Mehdiyev - Trend:

Azərbaycanda dövlət və bələdiyyə mülkiyyətində olan torpaqlara vərəsəlik hüququnun müddəti azaldılır.

Milli Məclisdən Trend-ə verilən məlumata görə, bu barədə məsələ Mülki Məcəlləyə təklif edilən dəyişikliklərdə öz əksini tapıb.

Belə ki, Məcəlləyə təklif olunan dəyişikliyə əsasən, dövlət və bələdiyyə mülkiyyətində olan torpaqlar üçün tikintiyə vərəsəlik hüququ 49 ildən çox ola bilməz.

Hazırda isə Məcəlləyə əsasən, tikintiyə vərəsəlik hüququnun müddəti tərəflərin razılaşdırılması ilə müəyyənləşdirilir, lakin 99 ildən çox ola bilməz.

Dəyişikliklər Milli Məclisin dekabrın 18-də keçiriləcək növbəti plenar iclasına tövsiyə olunub.

Bizi Twitter-dən izləyin: @trend_az

RƏYLƏR

BU KATEQORİYADAN DİGƏR XƏBƏRLƏR