Tovuzda zəhərlənmə baş verib. 1 ailənin 2 üzvü pomidor turşusundan zəhərlənib.
ANS PRESS-in məlumatına görə, iki gün öncə ana və qızı şam yeməyində istifadə etdikləri konserviləşdirilmiş məhsul bu gün səhər saatlarında ağır nəticəsini verib. Özlərini piss hiss edən ana 39 yaşlı Ruhiyyə Aslanova və onun 20 yaşlı qızı Kəmalə Məmmədova Tovuz Mərkəzi rayon Xəstəxanasına çatdırılıblar. Dərhal həkimlər tərəfindən hər iki qadına tibbi yardım göstərilib.
Hazırda reanimasiya şöbəsində olan ana və qızının vəziyyəti ağır qiymətləndirilir.
Qeyd edək ki, botulizm diaqnozu qoyulan Tovuz sakinləri dekabrın 8-də şam yeməyindən sonra narahtlıq keçirsələr də həkimə müraciət etməyiblər.
