Bakı, 10 dekabr, AZƏRTAC
Azərbaycan Milli Elmlər Akademiyası (AMEA) Milli Azərbaycan Tarixi Muzeyinin numizmatika fondu şöbəsinin müdiri, professor Əli Rəcəblinin “Şirvanşahlar dövlətinin sikkə zərbi” monoqrafiyası nəşr edilib.
Muzeydən AZƏRTAC-a bildiriblər ki, kitab Azərbaycan ərazisində tapılan və Milli Azərbaycan Tarixi Muzeyinin numizmatika fondunda qorunan sikkələr əsasında hazırlanıb.
Monoqrafiyada ilk dəfə minillik Şirvanşahlar dövlətinin sikkə zərbi tədqiq olunub.
Nəşrin əsas məqsədi Azərbaycan tarixi tədqiqatçılarını Şirvanşahların bizə gəlib çatan nadir, elmə məlum olmayan və ya az tanınan sikkələri ilə tanış etməkdir.
