Yetkin insanın gündəlik C vitamini ehtiyacını qarşılayan 1 ədəd kivi 1 kiloqram portağala bərabərdir. Trend-in Türkiyənin NTV telekanalına istinadən verdiyi məlumata görə, Türkiyənin Ordu Universitetinin professoru Turan Karadeniz bu qənaətə gəlib.
Kivinin vitaminlə zəngin olduğunu deyən professor qeyd edib ki, 50-60 qramlıq kivi yetkin insanın gündəlik C vitaminini qarşılayır.
T.Karadeniz əlavə edib ki, insan orqanizmi hər gün C vitamininə ehtiyac duyur: "Orqanizmin özü bu vitamini istehsal edə bilmir. Buna görə də C vitamini kənardan alınmalıdır. C vitamini ilə zəngin olan kivi qrip və soyuqdəyməyə qarşı faydalıdır".
Milli.Az
