Bakı, 11 dekabr, AZƏRTAC
Dövlət Dəmir Yolu liseyində “Ümummilli lider Heydər Əliyev müstəqil Azərbaycan Respublikasının memarıdır” mövzusunda konfrans keçirilib.
AZƏRTAC xəbər verir ki, konfransda liseyin direktoru, fəlsəfə doktoru, dosent Həsən Bayramov məruzə ilə çıxış edib. Tədbirdə Ulu Öndərin həyat və fəaliyyətindən bəhs edən film nümayiş olunub.
Tədbirlər planına uyğun olaraq ixtisas qrupları üzrə “Heydər Əliyev irsi” adlı seminarlar tələbələr tərəfindən disput formatında davam etdirilib.
Seminarları Nərimanov rayon Ağsaqqallar Şurasının, Rayon Gənclər və İdman İdarəsinin nümayəndələri, eləcə də məktəbin humanitar fənlər üzrə təcrübəli müəllimləri aparıblar.