"Kəpəz" - "Rəvan" (0:0) oyunundan sonra qonaqların baş məşqçisi Bəhmən Həsənovun mətbuat konfransı keçirilib.
Həsənov komandası üçün hər xalın önəmli olduğunu bildirib:
"Bizim üçün bütün oyunlar, xallar çox önəmlidir. “Kəpəz” keyfiyyətli oyunçulara malik mobil bir komandadır. Lakin mən futbolçulara demişdim ki, şanslarımız bərabərdir. Oyun heç-heçə bitdi və Gəncədə qazanılan 1 xala görə çox şadam. Ağıllı oyun sərgiləyən futbolçulara təşəkkür edirəm. Lazım olan nəticəni qazanıb evə dönürük. Artıq “Kəpəz”lə oyunu unudub, qarşıdakı matçlara hazırlaşacağıq".
