Bakıda mal-qara oğurluğu ilə məşğul olan şəxs tutulub. Lent.az-ın məlumatına görə, dekabrın 11-nə keçən gecə Sabunçu rayonunun Maştağa qəsəbəsində yaşayan Mirseyfəl Məlikovun həyətindən 32 baş qoyun oğurlanıb. Sabunçu RPİ 14-cü PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini Mirzəağa Həbibov tutulub. Ətrafında aparılmış əməliyyat tədbirləri ilə onun dekabrın 7-də Fərid Novruzova məxsus həyətdən 2 baş inək oğurlaması da müəyyən edilib.
Araşdırmalar davam etdirilir.
