Bakı, 12 dekabr, AZƏRTAC
Rusiyanın "Merkuriy-İnvest" şirkəti Azərbaycanın iş adamları ilə əməkdaşlıq qurmaq niyyətindədir.
Bu barədə AZƏRTAC-a Azərbaycanda İxracın və İnvestisiyaların Təşviqi Fondundan (AZPROMO) bildiriblər. Ölkəmizlə əməkdaşlıqda maraqlı olan şirkət iş adamlarına Ufa şəhərində logistik mərkəz inşa etməyi təklif edir. Şirkət, eyni zamanda, "Merkuriy" ticarət mərkəzini icarəyə verməyə hazırdır. Başqırdıstan Respublikasının paytaxtı Ufa şəhərində fəaliyyət göstərən şirkət daşınmaz əmlakın alqı-satqısı və icarəsi sahəsində vasitəçilik xidmətləri göstərir.
