“Bu həftə yaxşı hazırlıq keçmişik. Bilirik ki, “Qəbələ” Avroliqada oynamış komandadı”. Fanat.az xəbər verir ki, bu sözləri “Neftçi”nin kapitanı Araz Abdullayev deyib.
Ölkə çempionatının XVI turu çərçivəsində “Qəbələ” ilə qarşılaşacaq “ağ-qaralar” oyunun hazırlığını başa vurublar. Sabah keçiriləcək matçla bağlı klubun rəsmi saytına danışan Abdullayev səfərdən 3 xalla qayıtmaq istədiklərini bildirib: “Qəbələ” çox ciddi rəqibdi. Buna baxmayaraq, çalışacağıq ki, səfərdən yaxşı nəticə ilə dönək. Hər bir komanda istəyir qalib gəlsin, biz də istəyirik Qəbələdən 3 xal gətirək. Qoy güclü olan qalib gəlsin”.
Fanat.az