Bakı, 12 dekabr, AZƏRTAC
Ümummilli lider Heydər Əliyev mədəniyyətin inkişafına xüsusi diqqət yetirir, mədəniyyət xadimlərini həmişə dəstəkləyirdi. Məhz bu dahi siyasi xadimin hakimiyyətdə olduğu illərdə Azərbaycanda çoxsaylı mədəniyyət müəssisələri inşa edilib, dövlətimiz yeni inkişaf səviyyəsinə çatıb. Heydər Əliyevin xatirəsi əbədi yaşayacaq.
Ulu öndər Heydər Əliyevin nurlu xatirəsini ehtiramla yad etmək üçün Fəxri Xiyabana gəlmiş Əməkdar Artist Şükufə Musayeva bu sözləri AZƏRTAC-a müsahibəsində söyləyib.
O qeyd edib ki, görkəmli siyasi xadimin Azərbaycan xalqı qarşısında dəyərli xidmətləri olub. Məhz onun müəyyən etdiyi müdrik siyasi xətti sayəsində ölkəmiz beynəlxalq aləmdə böyük nüfuz qazanıb.
