Bakı, 12 dekabr, AZƏRTAC
Təhsil Problemləri İnstitutunda (TPİ) Azərbaycanın görkəmli siyasi və dövlət xadimi, xalqımızın ümummilli lideri Heydər Əliyevin xatirəsini anma tədbiri keçirilib.
İnstitutdan AZƏRTAC-a bildiriblər ki, əvvəlcə Ulu Öndərin əziz xatirəsi bir dəqiqəlik sükutla yad edilib.
Tədbirdə TPİ-nin direktoru, hüquq üzrə fəlsəfə doktoru Qulu Novruzov xalqımızın qəlbində, tariximizin şanlı səhifələrində daim yaşayacaq dahi şəxsiyyət Heydər Əliyevin həyatından maraqlı məqamları tədbir iştirakçılarının diqqətinə çatdırıb.
Digər çıxış edənlər də siyasi və mənəvi böyüklüyü ilə, varlığı, nitqi, mədəniyyəti, fenomenal yaddaşı, ideoloji əqidəsi, rəftarı ilə hər kəsə nümunə olan Ulu Öndərin şərəfli ömür yolundan, zəngin fəaliyyətindən danışıblar.