Gördüyünüz kimi, tacı ilk dəfə mən taxmışam.
Axar.az xəbər verir ki, bu sözləri xalq artisti Flora Kərimova "Evdəkilərə salam" verilişində köhnə fotolarını izləyicilərə təqdim edərkən deyib. Başında tac olan fotosunu göstərən Flora xanım tez-tez gündəmə gələn tac qalmaqalına növbəti dəfə qayıdıb:
"İlk dəfə tacı məhz mən taxmışam. Anam həmin tacı mənim üçün düzəltdirmişdi. Bildiyiniz kimi, məndən sonra hamı taxdı, tac taxmaq dəbə düşdü".
Xatırladaq ki, daha əvvəl xalq artisti İlhamə Quliyeva ilk dəfə məhz özünün tac taxdığını iddia etmişdi.
Milli.Az
