"Azərbaycana məxsus uçan tank vurulub"

"Azərbaycana məxsus uçan tank vurulub"
09:52 14 Dekabr 2015
62 Ölkə
Ölkə mətbuatı
A- A+

Ermənilərin bir gün Azərbaycana məxsus hətta uçan tank vurub zorla öz xalqına sırıyacağı ehtimalını da unutmamalıyıq.

Bunu Milli.Az-ın sorğusuna cavab olaraq, Müdafiə Nazirliyindən erməni elektron kütləvi informasiya vasitələri növbəti dəfə yeni uydurma ilə çıxış edərək guya cəbhə xəttində Azərbaycana məxsus pilotsuz uçan aparatın məhv edilməsi barədə yaydığı xəbərə münasibət bildirilərkən bəyan edib.

Müdafiə Nazirliyindən bildiriblər ki, bu xəbər, sadəcə, cəfəngiyyat və uydurma olduğundan şərh etməmək, cavabsız da qoymaq olardı: "Amma ermənilərin bir gün Azərbaycana məxsus hətta uçan tank vurub zorla öz xalqına sırıyacağı ehtimalını da unutmamalıyıq.

Əslində, erməni cəmiyyətində "ruh yüksəkliyi" yaratmaq üçün ekran əsərləri çəkmək sifarişi alan, fantastika janrına meylli erməni rejissor çəkəcəyi filmdən bir süjet danışıb, jurnalistlər isə bunu hərbi xəbər olaraq ucuz sensasiya kimi yayıblar.

Bildiririk ki, Azərbaycana məxsus və silahlanmada olan bütün PUA-lar sıradadır və düşmənin hərəkətləri nəzarətdə saxlanılır. PUA-larımız döyüş tapşırıqları nəzərə alınaraq, müvafiq təhlükəsizlik tədbirləri görülmək şərtilə plana uyğun, əvvəlcədən müəyyənləşdirilmiş istiqamətlərdə və düşmən mövqelərinin dərinliyində fəaliyyət göstərir".

İlkin İzzət
Milli.Az

RƏYLƏR

BU KATEQORİYADAN DİGƏR XƏBƏRLƏR