Bakıda ölümlə nəticələnən yol-nəqliyyat hadisəsi baş verib.
Milli.Az xəbər verir ki, Bakı şəhər Baş Polis İdarəsindən APA-ya verilən məlumata görə, dekabrın 13-ü, saat 23:30 radələrində Sabunçu rayonu Məhəmmədi qəsəbəsində Bakı şəhər sakini, 1983-cü il təvəllüdlü Ayaz Abbasovun idarə etdiyi "VAZ-2107" və Tovuz rayon sakini, 1984-cü il təvəllüdlü Amin Əliyevin idarə etdiyi "Opel-Frontera" markalı avtomobillər toqquşub.
Nəticədə A.Abbasov və oğlu, 2011-ci il təvəllüdlü Toğrul 3 saylı xəstəxanaya yerləşdiriliblər. Digər oğlu 2013-cü il təvəllüdlü Ramal isə xəstəxanada ölüb.
Faktla bağlı araşdırma aparılır.
Milli.Az