“Baku Fires” klubunun boksçuları Rusiyada qüvvələrini sınayacaqlar

“Baku Fires” klubunun boksçuları Rusiyada qüvvələrini sınayacaqlar
15:48 14 Dekabr 2015
17 Digər
Ölkə mətbuatı
A- A+


Bakı, 14 dekabr, AZƏRTAC 
Dekabrın 17-dən 20-dək Xantı-Mansiyskdə Sibirdə nefti kəşf edən azərbaycanlı Fərman Salmanovun xatirəsinə həsr olunmuş ənənəvi boks turniri keçiriləcək. Yarışda Azərbaycan boksçuları ilə yanaşı Rusiya, Fransa, Almaniya, Bolqarıstan, Türkmənistan, Polşa, Ukrayna, Moldova, Litva, Belarus, İsveç, Çin Qazaxıstan, Özbəkistan, Tacikistan və Ermənistandan 100-dən çox boksçunun iştirak gözlənilir.
AZƏRTAC xəbər verir ki, turnirdə kişilər arasında 10, qadınlarda isə 4 çəki dərəcəsi üzrə qaliblər müəyyənləşəcək. Xantı-Mansiyskdə Azərbaycan milli komandasının heyətində “Baku Fires” klubunun 2 üzvü də mübarizə aparacaq. Turnirdə 60 kiloqram çəki dərəcəsində 2013-cü ilin yeniyetmələr arasında Avropa birinciliyinin qalibi Nəsrəddin Məmmədov və “Böyük İpək Yolu” turnirinin bürünc mükafatçısı Yevgeni Romaşkeviç (69 kq) gücünü sınayacaq.
Yarışın ümumi mükafat fondu 2 milyon 140 min rubldur. Turnirə fəxri qonaq qismində peşəkar boks üzrə sabiq dünya çempionu Ruslan Provodnikov dəvət olunub.
Yarışda ölkəmizi hakim kimi Anar Nağdıyev təmsil edəcək.

RƏYLƏR

BU KATEQORİYADAN DİGƏR XƏBƏRLƏR