Bakı. Trend:
Azərbaycan Respublikası Dövlət Neft Şirkətinin (SOCAR) ticarət evi olan "SOCAR Trading" şirkətinə "Platts Global Energy Awards" mükafatı təqdim olunub.
Trend-in "SOCAR Trading"-ə istinadən verdiyi xəbərə görə, Nyu-Yorkda keçirilən təltifetmə mərasimində şirkət "İlin strateji razılaşması" nominasiyasında mükafatlandırılıb. Şirkət bu mükafata Maltadakı LNG layihəsinə görə layiq görülüb.
Qeyd edək ki, "Platts Global Energy Awards" 1999-cu ildə təsis edilib və energetika sahəsinin "Oskar"ı kimi qəbul olunur. Müsabiqə dünyanın enerji sektorunda 17 kateqoriya üzrə fəaliyyət istiqamətlərini əhatə edir.
Bizi Twitter-dən izləyin: @trend_az
