Ortaq problemlərin həlli üçün ABŞ və Avropa ilə birlikdə fəaliyyət göstərməsi üçün Rusiyaya qapımız hər zaman açıqdır.
ANS PRESS-in məlumatına görə, ABŞ-ın müdafiə naziri Eşton Karter, ölkəsinin NATO müttəfiqləri ilə birlikdə təhlükəsizlik sahəsindəki ortaq problemləri həll etmək üçün Rusiya ilə əməkdaşlığa açıq olduğunu qeyd edib. Ancaq Moskva təcavüzkar siyasətinə son qoymalıdır.
Karter qeyd edib ki, Rusiya yeni problemlər yaradıb. Rusiyanın təcavüzkar hərəkətlərinə görə NATO müttəfiqləriylə birlikdə güclü və balanslı yeni taktikalar hazırlayıb: "Hibrit döyüşündən güc nümayişinə qədər müxtəlif təhdidlərə reaksiya vermək məcburiyyətindəyik”.
Eşton Karter - ABŞ müdafiə naziri
Pentaqon rəhbəri qeyd edib ki, Qərb ölkələrinin təhlükəsizliyinə ən böyük təhdid isə İŞİD terror təşkilatıdır. Karter İŞİD-in tamamilə məhv ediləcəyini bildirib.