Bakı, 15 dekabr, AZƏRTAC
Dekabrın 16-da yazıçı-dramaturq Əli Əmirlinin "Şah Qacar" əsəri əsasında səhnələşdirilən tamaşa Bakıda fəaliyyət göstərən Ankara liseyinin müəllim və şagird heyətinin müzakirəsinə çıxarılacaq.
Bu barədə AZƏRTAC-a Dövlət Akademik Milli Dram Teatrının mətbuat xidmətindən bildirilib.
Tamaşanın müzakirəsi "Məktəb və Teatr" layihəsi çərçivəsində baş tutacaq. Müzakirələrdə, həmçinin tamaşanın yaradıcı heyəti - quruluşçu rejissor, Xalq Artisti Azərpaşa Nemətov, müəllif Əli Əmirli, əsas obrazların ifaçıları - Xalq artistləri Fuad Poladov, Laləzar Mustafayeva, Əməkdar Artist Sabir Məmmədov və başqaları iştirak edəcək.
Qeyd edək ki, tamaşa bir müddət əvvəl Milli Dram Teatrının səhnəsində nümayiş olunub.