Sumqayıt, 15 dekabr, Ətrabə Rzayeva, AZƏRTAC
Sumqayıt Dövlət Rəsm Qalereyasında şəhər rəssamlarının əsərlərindən ibarət “Rənglərin aləmi” adlı sərginin açılışı olub.
AZƏRTAC xəbər verir ki, bir həftə davam edəcək sərginin açılış mərasimində Sumqayıt Şəhər İcra Hakimiyyətinin başçısı Zakir Fərəcov iştirak edib.
Sərgi Sumqayıt şəhər Mədəniyyət və Turizm İdarəsi və Sumqayıt Dövlət Rəsm Qalereyasının birgə təşkilatçılığı ilə təşkil edilib və 103 sənət əsəri nümayiş olunur.
Açılış mərasimində 3 saylı Uşaq İncəsənət Məktəbinin şagird və müəllim kollektivi musiqi nömrələri ilə çıxış edib.