Bu həftənin sonuna yaxın 16 yaşına çatmamış avropalı gənclərə valideynlərin razılığı olmadan sosial şəbəkələr və mesajlaşma sistemlərinə giriş yasaqlana bilər.
Milli.Az BBC-yə istinadən bildirir ki, Avropa Parlamenti rəqəmsal rabitədən istifadəyə icazə verən yaş həddini 13-dən 16-a qaldırmaq niyyətindədir.
Qərarın təsdiqlənəcəyi təqdirdə internet rabitə sahəsində fəaliyyət göstərən şirkətlər yeniyetməni qeydiyyatdan keçirərkən onun valideynlərindən icazə almalı olacaqlar.
Təşəbbüs əleyhdarları Avropa Parlamentinin müvafiq komitəsinə məktubla müraciət ediblər. Onlar hesab edirlər ki, rəqəmsal giriş yaşının dəyişməsi yeniyetmələri "ünsiyyət və təlimdən məhrum" edəcək.
Sosial şəbəkə və mesajlaşma sistemlərinə aid məhdudiyyətlər milyonlarla gəncə aid oluna bilər. Onların arasında çox sayda 13 yaşına çatmamış istifadəçi var.
Hüquqşünaslar istifadəçilərin sayını göstərərək qərarın icrasında çətinliklərin yaranacağını proqnoz edirlər. Təşəbbüs üzrə səsvermə cümə axşamına təyin olunub.
Milli.Az
