Astara, 16 dekabr, Bağır Əliyev, AZƏRTAC
Bakı şəhərində Juboksinq döyüş növü üzrə keçirilən Beynəlxalq turnirdə astaralı idmançılar yüksək nailiyyətlər qazanıblar.
Astara Rayon Gənclər və İdman İdarəsinin rəisi Ərçə Əliyev AZƏRTAC-a bildirib ki, Şağan Olimpiya İdman Kompleksində 3 gün davam edən turnirdə Azərbaycanla yanaşı, Rusiya, Türkiyyə, İran, Gürcüstan, Qırğızıstan, Özbəkistan və Dağıstanın yığma komandaları qələbə uğrunda mübarizə aparıblar.
Beynəlxalq turnirdə astaralı idmançılardan İsmayıl Quliyev (20 kiloqram), Türkanə Quliyeva (35 kiloqram), Pərviz Hüseynzadə (56 kiloqram), İbrahim Həmidov (56 kiloqram), Rüstəm Novruzov (35 kiloqram), Əhməd Axundov (58 kiloqram) və Əfsun Ağayev (65 kiloqram) öz çəki dərəcələrində bütün rəqiblərinə qalib gələrək fəxrı kürsünün ən yüksək pilləsinə sahib olublar.
İdmançıları yarışa IV dan qara kəmər ustaları, məşqçilər Nəzərəli Əliyev və Elşən Buludov hazırlayıblar.