Gömrük Komitəsi KİV-də yayılan xəbərlərə münasibət bildirdi

Gömrük Komitəsi KİV-də yayılan xəbərlərə münasibət bildirdi
11:54 16 Dekabr 2015
21 Sosial
Ölkə mətbuatı
A- A+

Bir neçə gün bundan öncə bəzi kütləvi informasiya vasitələrində “5 ətir, 15 əl kreminə görə 180 manat gömrük rüsumu...?” başlıqlı həqiqəti əks etdirməyən yazı yerləşdirilib. Lent.az xəbər verir ki, bununla bağlı Dövlət Gömrük Komitəsinin mətbuat xidməti məlumat yayıb.

Dövlət Gömrük Komitəsinin məlumatında bildirir ki, Rusiya Federasiyasının vətəndaşı Rəhman Talıb oğlu Rüstəmov 13 noyabr 2015-ci il tarixdə bacısı ilə birlikdə 743 saylı Moskva-Bakı aviareysi ilə ölkə ərazisinə gələrkən Gəncə Beynəlxalq Hava Limanında Hava Nəqliyyatında Baş Gömrük İdarəsi “Gəncə hava limanı” gömrük postunun əməkdaşları tərəfindən onların əl yüklərinə gömrük nəzarəti həyata keçirilib. Gömrük nəzarəti zamanı Rəhman Rüstəmova məxsus 1 ədəd çantanın içərisində ümumi çəkisi 15 kiloqram olan müxtəlif kosmetik vasitələr yükü olduğu müəyyən edilib. Şifahi şəkildə aparılan sorğu-sual zamanı o, kosmetik vasitələri satış məqsədi üçün gətirdiyini bəyan edib. Müvafiq mal-müşayiət sənədləri olmadığına görə kosmetik vasitələr yükünün gömrük ödənişlərinə cəlb edilərək, gömrük rəsmiləşdirilməsindən keçirilməsi mümkün olmamış, həmin yük saxlanca qəbul edilmiş və bu barədə tərtib olunmuş müvafiq protokolda vətəndaş imza edərək, protokolun bir nüsxəsini qəbul etmişdir. Vətəndaşa isə izah edilmişdir ki, saxlanc müddəti ərzində müvafiq mal-müşayiət sənədlərini təqdim edərək kommersiya məqsədi üçün gətirdiyi kosmetik vasitələr yükünü gömrük rəsmiləşdirilməsindən keçirmək və ya həmin yükü geriyə qaytarmaq hüququ vardır. Lakin saxlanc müddəti ərzində vətəndaş həmin yüklə əlaqədar gömrük orqanına heç bir müraciət etməyib.

 

Xatırladaq ki, Azərbaycan Respublikası Prezidentinin 24 iyun 1997-ci il tarixli 609 saylı fərmanı ilə təsdiq edilmiş “Azərbaycan Respublikasında idxal-ixrac əməliyyatlarının tənzimlənməsi Qaydaları”nın tələblərinə əsasən kommersiya məqsədi üçün gətirilən yüklər müvafiq mal-müşayiət sənədləri əsasında gömrük ödənişlərinə cəlb edilməklə, gömrük rəsmiləşdirilmə-sindən keçirildikdən sonra ölkə ərazisinə buraxıla bilər.


Xəbərin orijinal ünvanı: http://news.lent.az/news/225383

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR