Bakı, 17 dekabr, AZƏRTAC
Nəcəf bəy Vəzirov adına Lənkəran Dövlət Dram Teatrında iranlı yazıçı Bəhram Beyzayinin “İlan Sultan” əsəri əsasında hazırlanmış eyniadlı tamaşanın premyerası olub.
Teatrın direktoru Tofiq Heydərov AZƏRTAC-a bildirib ki, iki gəncin saf məhəbbətindən, keşməkeşli həyat hadisələrdən bəhs edən səhnə əsəri iranlı rejissor Xeyrullah Təğiyanipurun quruluşunda təqdim olunub. Tamaşanın baş məsləhətçisi Atabəy Naderi, quruluşçu rəssamı Tərlan Sadıqov, musiqi tərtibatçısı İlqar Əliyevdir.
Səhnə əsərində əsas rolları Əməkdar Artist Sucəddin Mirzəyev, aktyorlar Sayad Əliyev, Aynur Əhmədova, Qızılgül Quliyeva, Əlibala Əsgərov, Emil Rzayev və digərləri ifa ediblər.
