Bakıda ağır yol qəzası baş verib. Lent.az Daxili İşlər Nazirliyinin mətbuat xidmətinə istinadən xəbər verir ki, dekabrın 16-da saat 04 radələrində Nəsimi rayonunun S.Vurğun küçəsində Bakı şəhər sakinləri Ülvi Məmmədlinin idarə etdiyi “VAZ-2107” və Ayxan Nəsirovun idarə etdiyi “AzSamand” markalı avtomobillər toqquşub. Hər 2 sürücü və Ü.Məmmədlinin sərnişini, habelə A.Nəsirovun sərnişini Bəylər İsmayılov xəstəxanaya yerləşdirilib.
B.İsmayılov xəstəxanada vəfat edib.
Nəsimi RPİ tərəfindən araşdırma aparılır.
