Bakı. 17 dekabr. REPORT.AZ/ ABŞ Konqresinin Xarici əlaqələr üzrə komissiyası gələn ilin yanvarında Dağlıq Qarabağ münaqişəsinin sülh yolu ilə həllinin müzakirəsini təşkil edəcək.
"Report" Ermənistan KİV-ə istinadən xəbər verir ki, bunu ermənilərin ABŞ-dakı "Hay data" komitəsinin təmsilçisi Elizabet Çulcyan bildirib.
Məlumata görə, müzakirə qapalı şəkildə keçiriləcək.
Tədbirə ATƏT-in Minsk Qrupunun amerikalı həmsədri Ceyms Uorlik də dəvət edilib.
