Bu dəqiqələrdə illik mətbuat konfransında jurnalistlərin sualını cavablandıran Rusiya prezidenti Vladimir Putin maraqlı addım atdı. Konfransda “Komsomolskaya pravda” qəzetinin müxbiri Aleksandr Qamovun ölkədəki iqtisadi durumla bağlı sualını cavablandıran Putin qəfil qolundakı saatını çıxararaq kənara qoyub. Bundan sonra isə Rusiya prezidenti qarşısındakı kağızlardan ölkəsinin iqtisadi durumu ilə bağlı statistik rəqəmlər oxumağa başladı.
Maraqlıdır ki, ənənəvi illik mətbuat konfransı adətən əvəllcədən müəyyən edilmiş zaman çərçivəsində keçirilirdi. Bu dəfə isə vaxt məhdudiyyətinin olmayacağı bildirilirdi. Görünür Putin Kremlə yaxın olan bir qəzetin müxbirindən belə sərt sual gözləmirmiş. Saatın çıxarılıb kənara qoyulması da mətbuat konfransının məhdudu zaman çərçivəsinə işarə hesab oluna bilər.
