Bakı, 17 dekabr, Nihad Budaqov, AZƏRTAC
“Günəşli” yatağındakı 10 nömrəli özüldəki baş vermiş qəza nəticəsində yanan neft quyuları tamamilə söndürülüb.
Bu barədə AZƏRTAC-a Azərbaycan Respublikası Dövlət Neft Şirkətindən (SOCAR) məlumat verilib. Bildirilib ki, yanan neft quyularının söndürülməsi ilə dənizə neft dağılmaları təhlükəsi aradan qaldırılıb. Yanan qaz quyularının isə 2-si artıq söndürülüb, digər quyuların söndürülməsi üzrə işlər son mərhələdədir.