Heydər Əliyev Mərkəzində məşhur britaniyalı heykəltəraşın sərgisi açılacaq

Heydər Əliyev Mərkəzində məşhur britaniyalı heykəltəraşın sərgisi açılacaq
15:49 17 Dekabr 2015
14 Digər
Ölkə mətbuatı
A- A+


Bakı, 17 dekabr, AZƏRTAC
Dekabrın 18-də Heydər Əliyev Mərkəzində tanınmış britaniyalı heykəltəraş Riçard Dikonun “Digər tərəfdən” (“On the other side”) adlı fərdi sərgisi açılacaq.
Mərkəzdən AZƏRTAC-a bildiriblər ki, ekspozisiyada müəllifin 50-dək əsəri nümayiş olunacaq.
Sərgidə ağac, metal və keramikadan hazırlanmış həm monumental, həm nisbətən kiçik əsərlər, eyni zamanda, orqanik nümunələr və dəqiq işlənmiş konstruksiyalar təqdim ediləcək.
R.Dikon həmişə israrla bildirir ki, özünü klassik mənada heykəltəraş hesab etmir. O, özünü nələrisə uyduran biri kimi qələmə verir və buna görə də çox mürəkkəb əsərlərin üzərində işləyərkən ağac, yaxud metalla işləyən mütəxəssislərlə əməkdaşlıq edir.
Tanınmış heykəltəraş 1949-cu ildə Uelsin Banqor şəhərində anadan olub. 1987-ci ildə müasir incəsənət sahəsinin nüfuzlu “Törner” mükafatına layiq görülüb. Qırx ildən artıq müddətdə yaradıcılıqla məşğul olan Riçard Dikon hazırda Londonda yaşayır.
Sərgi gələn il iyulun 15-dək davam edəcək.

Xəbərin orijinal ünvanı: http://azertag.az/xeber/Heyder_Aliyev_Merkezinde_meshur_britaniyali_heykelterasin_sergisi_achilacaq-912069

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR