Azərbaycanda qol vuran ən yaşlı futbolçu

Azərbaycanda qol vuran ən yaşlı futbolçu
18:12 17 Dekabr 2015
28 İdman
Ölkə mətbuatı
A- A+

Azərbaycan Premyer Liqasının XVII turunun "Rəvan"la qarşılaşması "İnter"in gürcüstanlı legioneri Zurab Xizanişvili üçün əlamətdar olub.

Milli.Az PFL-in rəsmi saytına istinadən xəbər verir ki, karyerası ərzində Gürcüstan, İngiltərə və Türkiyə çempionatlarında qol sevinci yaşamış müdafiəçi Premyer Liqada ilk dəfə fərqlənib. Bununla da Zurab cari mövsüm Azərbaycan çempionatında qol vuran ən yaşlı futbolçu olub.

O, "Rəvan"ın qapısına 34 yaş 70 günlüyündə yol tapıb. Bunadək rekord Rəşad Abdullayevə məxsus idi. O, VI turun "Xəzər Lənkəran"la qarşılaşmasında 33 yaş 361 günlüyündə qol sevinci yaşamışdı.

Mövsümün ən gənc qol müəllifi isə Mahir Mədətovdur. "Qarabağ"ın futbolçusu III turda AZAL-ın qapısına yol tapıb. Həmin yarımmüdafiəçi 18 yaş 53 günlüyündə fərqlənib.

Milli.Az

RƏYLƏR

BU KATEQORİYADAN DİGƏR XƏBƏRLƏR