Bakı, 17 dekabr, AZƏRTAC
Dekabrın 17-də Azərbaycan Dillər Universitetində (ADU) dünya şöhrətli yazıçı Çingiz Abdullayevin tələbələrlə görüşü keçirilib.
Universitetdən AZƏRTAC-a bildiriblər ki, ADU-nun rektor əvəzi, professor Dünyamin Yunusov yazıçı haqqında qısa məlumat verib. Bildirib ki, Çingiz Abdullayev ümumi tirajı 28 milyon nüsxəyə yaxın, 30 dilə tərcümə olunmuş 600-dan çox kitabın müəllifidir.
Çingiz Abdullayev gənc nəslin cəmiyyət üçün yararlı fərd kimi formalaşmasında mütaliənin böyük rolu olduğunu söyləyib və gənclərə qiraət etməyi tövsiyə edib.
Sonda tələbələrin çoxsaylı sualları cavablandırılıb.